De NICOLÁS VALLE MOREA
En l’alguardu (Sigrus XIII-XVIII)
Según paeci, nas tierras estremeñas estuvun asentáus de horma dispersa henti de diferentis lugaris, portuguesis, gallegus, castellanus, gasconis, andaludis... que eharun l'erencia que hadi que las lenguas estremeñas oi estén considerás reliquias filólohicas. Pol su aislamientu, la variedá lionesa de los repoblaoris de la Ordin d’Alcántara i d’otrus señorius se conservó nel norti estremeñu hasta bien entráu el sigru pasáu, peru nel sul i el centru d’Estremaúra, d’enseguía la lengua tuvu mucha enfluencia de Toledu i Sevilla.
Hasta 1561, cuandu Madrí es nombrá capital, nu comienza a notalsi el pesu del castellanu sobri los pueblus del norti estremeñu. La nuestra lengua populal sobrevivió al Sigru d’Oru de la lengua castellana i llegó al XIX siendu la lengua empreá pola mayoría del pueblu llanu, en situación de diglosia con respetu al podel políticu, totalmenti castellanu.
